2026లో ఫ్యామిలీ సినిమాల హవా!

2026లో తెలుగు సినిమా బాక్సాఫీస్ వద్ద ఫ్యామిలీ ప్రేక్షకుల ఆదరణ మరోసారి చర్చకు వచ్చింది. భారీ యాక్షన్ కంటే కుటుంబ సంబంధాలు, భావోద్వేగాలు, వినోదంతో వచ్చిన కొన్ని సినిమాలు మంచి వసూళ్లు సాధించాయని ట్రేడ్ వర్గాల సమాచారం. ‘ఇరుముడి’ రూ.20 కోట్ల థియేట్రికల్ బిజినెస్‌తో విడుదలై రూ.145 కోట్ల షేర్, రూ.246 కోట్ల గ్రాస్ సాధించింది. అలాగే ‘విశ్వనాథ్ అండ్ సన్స్’ రూ.90 కోట్ల బిజినెస్ తర్వాత రూ.200 కోట్లకు పైగా వసూలు చేసింది.

సంక్రాంతికి వచ్చిన ‘మన శంకరవరప్రసాద్’ కూడా రూ.300 కోట్ల మార్క్‌ను దాటింది. శర్వానంద్ నటించిన ‘నారీ నారీ నడుమ మురారి’కి కుటుంబ ప్రేక్షకుల నుంచి మంచి స్పందన లభించింది.ఈ నేపథ్యంలో రాబోయే ‘ఆదర్శ కుటుంబం’పై కూడా అంచనాలు పెరిగాయి. ఈ చిత్రం ఎలాంటి స్పందన అందుకుంటుందనే ఆసక్తి ఉంది. మరోవైపు సూపర్ స్టార్ రజనీకాంత్ నటిస్తున్న ‘జైలర్ 2’లోనూ ఫ్యామిలీ ఎమోషన్స్ ఉన్నట్లు టాక్ వినిపిస్తోంది.