రాజకీయ హంగులు లేకుండానే ‘జన నాయగన్’.. విజయ్ మూవీపై కొత్త టాక్!

తమిళ స్టార్ విజయ్ నటిస్తున్న ‘జన నాయగన్’ సినిమా ఇప్పుడు తమిళనాడుతో పాటు దేశవ్యాప్తంగా ఆసక్తిని రేకెత్తిస్తోంది. హెచ్ వినోద్ దర్శకత్వంలో రూపొందుతున్న ఈ చిత్రం సోషల్ మెసేజ్‌తో కూడిన యాక్షన్ డ్రామాగా తెరకెక్కుతోంది. విజయ్ రాజకీయాల్లోకి వెళ్లిన తర్వాత వస్తున్న సినిమా కావడంతో ఇందులో రాజకీయ అంశాలు ఉంటాయనే ప్రచారం జరిగినప్పటికీ, అలాంటి హంగులు లేవని చిత్ర వర్గాలు చెబుతున్నాయి.

కేవీఎన్ ప్రొడక్షన్స్ నిర్మిస్తున్న ఈ చిత్రంలో పూజా హెగ్డే, మమితా బైజు హీరోయిన్లుగా నటిస్తుండగా బాబీ డియోల్ కీలక పాత్రలో కనిపించనున్నారు. సెన్సార్ ప్రక్రియ కారణంగా విడుదల ఆలస్యమైనట్లు సమాచారం. విజయ్ ఇమేజ్‌కు తగ్గట్టుగా కమర్షియల్ యాక్షన్ డ్రామాగా ఈ సినిమాను రూపొందిస్తున్నారని, త్వరలో అధికారిక విడుదల తేదీ ప్రకటించే అవకాశముందని టాక్ వినిపిస్తోంది.