ట్రంప్ క్యాంప్ డేవిడ్‌ సమీపంలోకి పౌర విమానం

అమెరికా అధ్యక్షుడు డొనాల్డ్ ట్రంప్ క్యాంప్ డేవిడ్‌లో ఉన్న సమయంలో, మేరీల్యాండ్‌లోని థర్మాంట్ ప్రాంతంలో అమల్లో ఉన్న తాత్కాలిక విమాన పరిమితి ప్రాంతంలోకి ఓ పౌర విమానం ప్రవేశించింది. సెప్టెంబర్ 19న ఉదయం సుమారు 7:50 గంటలకు ఈ ఘటన చోటుచేసుకోగా, నార్త్ అమెరికన్ ఏరోస్పేస్ డిఫెన్స్ కమాండ్ ( నారాడ్)కు చెందిన F-16 ఫైటర్ జెట్ రంగంలోకి దిగింది
విమానాన్ని అడ్డుకునే సమయంలో ఎఫ్-16 ఫ్లేర్‌లను ప్రయోగించి పైలట్ దృష్టిని ఆకర్షించింది. అనంతరం ఆ పౌర విమానాన్ని సురక్షితంగా పరిమిత ప్రాంతం వెలుపలకు ఎస్కార్ట్ చేసినట్లు నారాడ్ వెల్లడించింది. సెప్టెంబర్ 18 నుంచి 20 వరకు థర్మాంట్ ప్రాంతంలో తాత్కాలిక విమాన పరిమితులు అమల్లో ఉంటాయని అధికారులు ముందుగానే ప్రకటించారు.