వర్చువల్ ప్రపంచానికి దూరం.. రియా చక్రవర్తి భావోద్వేగ నిర్ణయం!

బాలీవుడ్ నటి రియా చక్రవర్తి సోషల్ మీడియాకు కొంతకాలం విరామం తీసుకుంటున్నట్లు ప్రకటించారు. నిరంతర ఆన్‌లైన్ ఒత్తిడి, స్క్రోలింగ్, స్పందించాల్సిన పరిస్థితులు మానసికంగా అలసట కలిగిస్తున్నాయని భావోద్వేగ నోట్‌లో ఆమె వెల్లడించారు.

ప్రతి రోజూ వర్చువల్ ప్రపంచం నుంచి దూరంగా ఉండి నిజ జీవితానికి దగ్గర కావాలని ఆమె నిర్ణయించుకున్నారు. సుశాంత్ సింగ్ రాజ్‌పుత్ మరణం తర్వాత ఎదురైన విమర్శలు, ట్రోలింగ్ మధ్య ఆమె తన నటనా ప్రయాణాన్ని మళ్లీ ప్రారంభించారు. ప్రస్తుతం ఆమె నెట్‌ఫ్లిక్స్ సిరీస్ “ఫ్యామిలీ బిజినెస్”లో నటిస్తున్నారు. సోషల్ మీడియాకు బ్రేక్ తీసుకున్నప్పటికీ నటిగా బలమైన కమ్‌బ్యాక్ ఇవ్వాలని భావిస్తున్నారని సినీ వర్గాలు చెబుతున్నాయి.