D55 నుంచి తుఫాన్ మొదలు.. ఈరోజు సాయంత్రం భారీ అప్‌డేట్

ధనుష్ నటిస్తున్న ప్రతిష్టాత్మక 55వ చిత్రం “D55”కు సంబంధించిన “ఫస్ట్ స్ట్రైక్” గ్లింప్స్‌ను ఈరోజు సాయంత్రం 6:30 గంటలకు విడుదల చేయనున్నట్లు చిత్ర బృందం అధికారికంగా ప్రకటించింది. ఈ ప్రకటనతో అభిమానుల్లో భారీ ఉత్సాహం నెలకొంది. సోషల్ మీడియాలో ఇప్పటికే కౌంట్‌డౌన్ పోస్టులు వైరల్ అవుతున్నాయి. రాజ్‌కుమార్ పెరియాసామి దర్శకత్వంలో తెరకెక్కుతున్న ఈ చిత్రాన్ని వండర్‌బార్ ఫిలిమ్స్, ఆర్‌టేక్ స్టూడియోస్ సంయుక్తంగా నిర్మిస్తున్నాయి.

ఈ సినిమాలో ధనుష్‌తో పాటు మమ్ముట్టి, సాయి పల్లవి, శ్రీలీల కీలక పాత్రల్లో నటిస్తున్నారు. సాయి అభ్యంకర్ సంగీతం అందిస్తున్న ఈ భారీ ప్రాజెక్ట్‌పై ఇప్పటికే భారీ అంచనాలు ఉన్నాయి. ఫస్ట్ స్ట్రైక్ ద్వారా సినిమా కథా నేపథ్యం, విజువల్ స్కేల్, పాత్రల తీరు గురించి తొలి సంకేతాలు లభించే అవకాశం ఉండటంతో అభిమానులు ఎంతో ఆసక్తిగా ఎదురుచూస్తున్నారు.