చిరంజీవి ‘కాకా’ డబ్బింగ్ పనులు షురూ.. రిలీజ్‌కు రెడీ అవుతున్న మేకర్స్

మెగాస్టార్ చిరంజీవి హీరోగా దర్శకుడు కొల్లి బాబీ తెరకెక్కిస్తున్న క్రేజీ యాక్షన్ డ్రామా ‘కాకా’పై ఇప్పటికే మంచి అంచనాలు ఉన్నాయి. సినిమా పనులను మేకర్స్ వేగంగా పూర్తి చేస్తున్నారు. ఈ క్రమంలో తాజాగా డబ్బింగ్ పనులను కూడా ప్రారంభించారు. డబ్బింగ్ ప్రారంభానికి సంబంధించిన పూజా కార్యక్రమాలను నిర్వహించిన మేకర్స్, దీనికి సంబంధించిన వీడియోను సోషల్ మీడియాలో విడుదల చేశారు.

ఈ చిత్రంలో యంగ్ హీరోయిన్ అనశ్వర రంజన్ కీలక పాత్రలో నటిస్తున్నారు. థమన్ సంగీతం అందిస్తున్న ఈ సినిమాను కేవీఎన్ ప్రొడక్షన్స్ సంస్థ తెలుగులో తన తొలి చిత్రంగా భారీ స్థాయిలో నిర్మిస్తోంది. నిర్మాణ పనులు వేగంగా కొనసాగుతుండటంతో అనుకున్న సమయానికి సినిమాను ప్రేక్షకుల ముందుకు తీసుకొచ్చేందుకు చిత్రబృందం సిద్ధమవుతోంది. ఈ చిత్రం జనవరి 13న థియేటర్లలో విడుదల కానుంది.