‘సీక్రెట్ సోల్జర్’గా రాబోతున్న ‘చైనా పీస్’

నిహాల్ కోదాటి, సూర్య శ్రీనివాస్ హీరోలుగా అక్కి విశ్వనాధ రెడ్డి దర్శకత్వంలో తెరకెక్కుతున్న యూనిక్ స్పై థ్రిల్లర్‌కు మొదట ‘చైనా పీస్’ అనే టైటిల్‌ను ప్రకటించారు. అయితే తాజాగా ఈ చిత్రానికి ‘సీక్రెట్ సోల్జర్’ అనే కొత్త పేరును ఖరారు చేశారు. మూన్ లైట్ డ్రీమ్స్ బ్యానర్‌పై రూపొందుతున్న ఈ చిత్రంలో కమల్ కామరాజు, రఘు బాబు, రంగస్థలం మహేష్, శ్రీనివాస్ వడ్లమాని, శ్రీకాంత్ అయ్యంగార్ కీలక పాత్రల్లో నటిస్తున్నారు.

ఇప్పటికే విడుదలైన టీజర్ యాక్షన్, థ్రిల్, హాస్యం, ప్రత్యేక కాన్సెప్ట్‌తో ప్రేక్షకుల్లో మంచి ఆసక్తిని కలిగించింది. తాజాగా ఈ సినిమా సెన్సార్ పూర్తి చేసుకుని యూఏ సర్టిఫికేట్ పొందింది. అన్ని కార్యక్రమాలు పూర్తి చేసుకున్న ‘సీక్రెట్ సోల్జర్’ను 2026 సెప్టెంబర్‌లో థియేటర్లలో విడుదల చేయాలని నిర్మాతలు సిద్ధమవుతున్నారు. విడుదల తేదీని త్వరలో అధికారికంగా ప్రకటించనున్నారు.