నాగార్జున 100వ సినిమాపై భారీ అంచనాలు

టాలీవుడ్ కింగ్ నాగార్జున కెరీర్‌లో అత్యంత ప్రతిష్టాత్మకంగా తెరకెక్కుతున్న 100వ చిత్రంపై ప్రేక్షకుల్లో భారీ ఆసక్తి నెలకొంది. దర్శకుడు రా. కార్తీక్ తెరకెక్కిస్తున్న ఈ చిత్రంలో టబు కీలక పాత్ర పోషిస్తుండగా, ఐశ్వర్య రాజేష్ హీరోయిన్‌గా నటిస్తోంది. యాక్షన్, డ్రామా, భావోద్వేగాల సమ్మేళనంగా రూపొందుతున్న ఈ సినిమా షూటింగ్ ప్రస్తుతం చివరి దశకు చేరుకున్నట్లు సమాచారం.

చిత్రీకరణ పూర్తి చేసిన అనంతరం పోస్ట్ ప్రొడక్షన్ పనులను వేగవంతం చేయాలని చిత్రబృందం భావిస్తోంది. సంగీత పనులు కూడా శరవేగంగా సాగుతున్నాయని తెలుస్తోంది. ఈ సినిమాను దసరా పండుగ కానుకగా అక్టోబర్ 20న విడుదల చేయాలని మేకర్స్ ప్లాన్ చేస్తున్నట్లు టాక్ వినిపిస్తోంది. త్వరలోనే ఫస్ట్ లుక్, టీజర్ విడుదల చేసే అవకాశముండటంతో అక్కినేని అభిమానుల్లో ఉత్సాహం మరింత పెరిగింది.