వరుస హిట్స్‌తో అవార్డ్స్ దక్కించుకున్న బన్నీ వాస్

ప్రముఖ నిర్మాత బన్నీ వాస్ గద్దర్ అవార్డ్స్‌లో మరోసారి తన ప్రతిభను చూపించారు. గద్దర్ ఫిల్మ్ అవార్డ్స్ 2025 లో ఆయన నిర్మించిన, పంపిణీ చేసిన సినిమాలు పలు విభాగాల్లో అవార్డులు గెలుచుకున్నాయి. గీతా ఆర్ట్స్‌లో తన కెరీర్ ప్రారంభించిన ఆయన, తర్వాత జీఏ2 పిక్చర్స్‌లో భాగస్వామిగా ఎదిగారు. మొదటి ఎడిషన్‌లో 2024 సినిమాలకు అవార్డులు ఇవ్వగా, ఆయన నిర్మించిన ఆయ్ చిత్రం బెస్ట్ హోల్‌సమ్ ఎంటర్‌టైన్‌మెంట్ అవార్డు సాధించింది.

తదుపరి ఏడాది కూడా ఆయన విజయాలు కొనసాగాయి. ఆయన నిర్మించిన  తండేల్ సినిమా రెండు అవార్డులు గెలుచుకుంది. ఇందులో బెస్ట్ నేషనల్ ఇంటిగ్రేషన్ ఫిల్మ్ అవార్డు, అలాగే నటుడు నాగ చైతన్యకు బెస్ట్ యాక్టర్ అవార్డు లభించాయి. ఆయన పంపిణీ చేసిన రాజు వెడ్స్ రాంబై బెస్ట్ ఫీచర్ ఫిల్మ్‌తో పాటు మరో మూడు అవార్డులు గెలుచుకుంది.లిటిల్ హార్ట్స్ సినిమా బెస్ట్ డెబ్యూ ఫీచర్ ఫిల్మ్‌గా నిలిచింది. ఇలా వరుస విజయాలతో బన్నీ వాస్ మంచి కథలను ఎంపిక చేసే నిర్మాతగా పేరు తెచ్చుకున్నారు.