కొరటాల సినిమాలో బాలయ్య కొత్త అవతార్?

నందమూరి బాలకృష్ణ హీరోగా దర్శకుడు కొరటాల శివ తెరకెక్కించనున్న ప్రతిష్ఠాత్మక చిత్రంపై సినీ వర్గాల్లో భారీ ఆసక్తి నెలకొంది. తాజా సమాచారం ప్రకారం, ఆగస్టు రెండో వారం నుంచి కీలక షూటింగ్ షెడ్యూల్ ప్రారంభం కానుండగా, దాదాపు 20 రోజుల పాటు భారీ యాక్షన్ సన్నివేశాల చిత్రీకరణ జరగనుంది. ఈ చిత్రంలో బాలయ్య సరికొత్త మేకోవర్‌లో కనిపించనున్నారనే వార్తలు అభిమానుల్లో ఆసక్తిని మరింత పెంచుతున్నాయి.

సినీ వర్గాల్లో వినిపిస్తున్న ప్రచారం ప్రకారం, ఈ సినిమాలో ఫ్లాష్‌బ్యాక్ భాగం మాఫియా నేపథ్యంతో సాగనుండగా, కుటుంబ భావోద్వేగాలు కూడా కథలో కీలక పాత్ర పోషించనున్నాయి. 'దేవర' తర్వాత కొరటాల శివ ఎంతో కసరత్తు చేసి ఈ కథను సిద్ధం చేశారని సమాచారం. సుధాకర్ చెరుకూరి నిర్మిస్తున్న ఈ చిత్రానికి సంబంధించిన పూర్తి వివరాలను మేకర్స్ త్వరలో అధికారికంగా ప్రకటించే అవకాశం ఉంది.