మార్చి నుంచి బాలయ్య కొత్త సినిమా ప్రారంభం!

‘అఖండ 2’తో ప్రేక్షకులను అలరించిన నందమూరి బాలకృష్ణ మరో కొత్త చిత్రాన్ని పట్టాలెక్కించేందుకు సిద్ధమయ్యారు. ఈసారి ఆయన గోపీచంద్ మలినేని దర్శకత్వంలో నటించనున్నారు. తొలుత అనుకున్న కథను పక్కనపెట్టి, పూర్తిగా కొత్త యాక్షన్ ఎంటర్టైనర్ కథతో ఈ సినిమా రూపొందనుందని సమాచారం. ప్రస్తుతం ప్రీ–ప్రొడక్షన్ పనులు జోరుగా కొనసాగుతుండగా, మార్చి నెల నుంచి రెగ్యులర్ షూటింగ్ ప్రారంభం కానుంది. గతంలో వీరి కాంబినేషన్‌లో వచ్చిన ‘వీరసింహారెడ్డి’ మంచి విజయాన్ని అందుకోవడంతో, ఈ కొత్త ప్రాజెక్ట్‌పై అభిమానుల్లో భారీ అంచనాలు ఏర్పడ్డాయి.