పాదాల పగుళ్లు తగ్గాలంటే ఇలా చేయండి.. డాక్టర్ల సూచన

పాదాల పగుళ్లు అందాన్ని దెబ్బతీయడమే కాకుండా, నడిచేటప్పుడు నొప్పి, అసౌకర్యాన్ని కలిగించవచ్చు. పొడిబారిన చర్మం, తేమ లేకపోవడం, దుమ్ము-ధూళి వంటి కారణాలతో ఈ సమస్య మరింత ఎక్కువయ్యే అవకాశం ఉంది. పగుళ్లను తగ్గించేందుకు మార్కెట్‌లో లభించే వివిధ క్రీములు ఉపయోగించినప్పటికీ, ప్రతి ఒక్కరికీ ఒకే విధమైన ఫలితం ఉండకపోవచ్చు. అందుకే పాదాల సంరక్షణలో భాగంగా వాటిని శుభ్రంగా, తేమగా ఉంచడం ముఖ్యమని నిపుణులు సూచిస్తున్నారు.

ఇంట్లో సులభంగా అందుబాటులో ఉండే కొబ్బరి నూనెను పాదాల పొడిబారిన చర్మానికి మాయిశ్చరైజర్‌గా ఉపయోగించవచ్చు. రాత్రి పడుకునే ముందు పాదాలను శుభ్రంగా కడిగి, తుడిచిన అనంతరం కొద్దిగా కొబ్బరి నూనె రాసి సున్నితంగా మసాజ్ చేయాలి. ఉదయం పాదాలను శుభ్రంగా కడుక్కోవాలి. అయితే లోతైన పగుళ్లు, రక్తస్రావం లేదా తీవ్రమైన నొప్పి ఉంటే ఇంటి చిట్కాలకే పరిమితం కాకుండా వైద్యుల సలహా తీసుకోవడం మంచిది.
గమనిక: ఈ చిట్కాలను పాటించే ముందు తప్పనిసరిగా వైద్యుల సలహా తీసుకోవాలి. ఇక్కడ అందించిన సమాచారం కేవలం మీ అవగాహన కోసం మాత్రమే. ఆరోగ్యపరమైన సమస్యలు ఉన్నట్లయితే నేరుగా వైద్య నిపుణులను సంప్రదించడం మంచిది. ఇందులో పేర్కొన్న అంశాలకు టీవీ9 బాధ్యత వహించదని గమనించగలరు.