ఒక్కసారి తింటే మళ్లీ మళ్లీ తినాలనిపించే పచ్చడి!

పల్లెటూరి బండ పచ్చి మిర్చి పచ్చడి వేడి అన్నంతో తింటే అద్భుతమైన రుచిని ఇస్తుంది. చపాతీలతో కూడా ఇది ఎంతో రుచిగా ఉంటుంది. ఈ పచ్చడిని ఇంట్లో సులభంగా తయారు చేసుకోవచ్చు.

ఈ రెసిపీకి పచ్చి మిర్చి, ఉల్లిపాయలు, వెల్లుల్లి, చింతపండు, పల్లీలు, ధనియాలు, జీలకర్ర, కరివేపాకు, ఉప్పు, నూనె అవసరం. ముందుగా పచ్చి మిర్చిని నూనెలో స్వల్పంగా వేయించి పక్కన పెట్టాలి. పల్లీలను కూడా వేయించి పొట్టు తీసుకోవాలి.

తర్వాత పచ్చి మిర్చి, పల్లీలు, ఉల్లిపాయలు, చింతపండు, ఉప్పు, ధనియాలు, జీలకర్రను కలిపి బాగా దంచాలి. చివరగా కరివేపాకు తాలింపు వేసి కలిపితే రుచికరమైన పచ్చడి సిద్ధమవుతుంది. వేడి అన్నంతో తింటే స్వర్గసుఖం లాంటి రుచి లభిస్తుంది.