పుదుచ్చేరిలో ‘RAPO23’ కొత్త షెడ్యూల్ ప్రారంభం

ఎనర్జిటిక్ స్టార్ రామ్ పోతినేని హీరోగా నటిస్తూ, స్వయంగా కథను అందించి దర్శకత్వం వహిస్తున్న చిత్రం ప్రస్తుతం ‘RAPO23’ అనే వర్కింగ్ టైటిల్‌తో తెరకెక్కుతోంది. చిత్రానికి అధికారిక టైటిల్ ఇంకా ప్రకటించకపోవడంతో ఇదే పేరుతో షూటింగ్ కొనసాగుతోంది. తాజాగా ఈ సినిమాకు సంబంధించిన కీలక షెడ్యూల్ పుదుచ్చేరిలో ప్రారంభమైనట్లు మేకర్స్ వర్గాల సమాచారం.

ఈ షెడ్యూల్ 15 రోజుల పాటు కొనసాగనుండగా, ఇందులో బృందా మాస్టర్ కొరియోగ్రఫీలో ఓ పాటతో పాటు, ‘KGF: చాప్టర్ 1’, ‘కాంతారా’, ‘కరుప్పు’ చిత్రాలకు యాక్షన్ అందించిన విక్రమ్ మోర్ మాస్టర్ ఆధ్వర్యంలో హై-వోల్టేజ్ యాక్షన్ సన్నివేశాలను చిత్రీకరించనున్నారు. రూ.100 కోట్లకు పైగా భారీ బడ్జెట్‌తో తెరకెక్కుతున్న ఈ చిత్రంలో సంయుక్త మీనన్ కథానాయికగా నటిస్తుండగా, సామ్ సి.ఎస్ సంగీతం అందిస్తున్నారు. రాపో సినిమాటిక్స్ బ్యానర్‌పై కృష్ణ పోతినేని ఈ చిత్రాన్ని నిర్మిస్తున్నారు.