‘ఫౌజీ’ టీజర్‌కు రంగం సిద్ధం...

పాన్ ఇండియా స్టార్ ప్రభాస్ నటిస్తున్న అత్యంత ప్రతిష్టాత్మక చిత్రాల్లో ఒకటైన ఫౌజీపై అభిమానుల్లో భారీ అంచనాలు నెలకొన్నాయి. ఇటీవలే చిత్రబృందం డిసెంబర్ 3 విడుదల తేదీని ప్రకటించగా, యుద్ధభూమి నేపథ్యంలో విడుదల చేసిన ప్రభాస్ ఫస్ట్ లుక్ సోషల్ మీడియాలో వైరల్‌గా మారింది. దర్శకుడు హను రాఘవపూడి ప్రభాస్‌ను సరికొత్త అవతారంలో చూపించనున్నట్లు ఆ పోస్టర్‌తోనే స్పష్టమైంది.

తాజా సమాచారం ప్రకారం ఆగస్టు 15, స్వాతంత్ర్య దినోత్సవం సందర్భంగా ఫౌజీ టీజర్‌ను విడుదల చేయడానికి చిత్రబృందం సన్నాహాలు చేస్తున్నట్లు సినీ వర్గాల్లో ప్రచారం జరుగుతోంది. ఈ టీజర్ సినిమాపై అంచనాలను మరింత పెంచేలా ఉంటుందని టాక్ వినిపిస్తోంది. ప్రభాస్ సరసన ఇమాన్వీ కథానాయికగా నటిస్తుండగా, ఆమె పాత్రకు కూడా కథలో కీలక ప్రాధాన్యం ఉందని సమాచారం. ప్రస్తుతం సినిమా షూటింగ్ చివరి దశలో ఉండగా, మరోవైపు ప్రభాస్ స్పిరిట్ షూటింగ్‌లో పాల్గొంటూ త్వరలో ఫౌజీ సెట్స్‌లోకి తిరిగి అడుగుపెట్టనున్నారు.