పెళ్లి తర్వాత రష్మికకు తండ్రి ఇచ్చిన అమూల్యమైన బహుమతి!

రష్మిక మందన్నా, విజయ్ దేవరకొండ ఇద్దరూ పెద్ద తారలు అయినప్పటికీ, వారి సరళత అందరినీ ఆకట్టుకుంటోంది. వారి పెళ్లి వేడుకలు కూడా ప్రేమతో, ఆనందంతో నిండిపోయాయి. అభిమానులకు మిఠాయిలు పంచడం, మంచి మార్కులు సాధించిన విద్యార్థులకు సహాయం చేయడం, గ్రామ ప్రజలకు భోజనాలు ఏర్పాటు చేయడం వంటి కార్యక్రమాలు అందరి ప్రశంసలు అందుకున్నాయి.

పెళ్లి తర్వాత రష్మికను తమ ఇంటి కోడలిగా పరిచయం చేస్తూ విజయ్ ఒక కార్యక్రమం నిర్వహించాడు. అలాగే రష్మిక కుటుంబం కూడా తమ ఊరైన విరాజ్‌పేటలో సంప్రదాయ పద్ధతిలో మరో కార్యక్రమం నిర్వహించి విజయ్‌ను అల్లుడిగా పరిచయం చేశారు. ఈ వేడుకలు బంధువులు మరియు స్థానికులతో కలిసి ఎంతో ఆనందంగా జరిగాయి.

ఈ సందర్భంగా రష్మిక తండ్రి మదన్ మందన్నా తన కూతురికి విలువైన కానుక ఇచ్చారు. విరాజ్‌పేట సమీపంలో ఉన్న సెరెనిటీ అనే అందమైన గృహాన్ని ఆమెకు బహుమతిగా ఇచ్చారు. ఈ కానుకతో రష్మిక భావోద్వేగానికి లోనైనట్లు తెలుస్తోంది. ఈ జంట ఇటీవల ఉదయ్‌పూర్‌లో వివాహం చేసుకుని, ముందుగా కలిసి నటించిన సినిమాలతో మంచి పేరు తెచ్చుకుంది.