చిన్న పెన్ను.. భారీ గుర్తింపు.. బిహార్ వాసి అరుదైన ఘనత

బిహార్ రాష్ట్రంలోని నలంద జిల్లా బిహార్ షరీఫ్‌కు చెందిన జగదీప్ నారాయణ్ కుమార్ అరుదైన ఘనత సాధించారు. ప్రపంచంలోనే అతి చిన్న పెన్నును సేకరించి భద్రపరిచినందుకు ఆయనకు వరల్డ్ బుక్ ఆఫ్ రికార్డ్స్‌లో స్థానం లభించింది. ఈ ఇత్తడి పెన్ను పొడవు కేవలం 3 అంగుళాలు మాత్రమే ఉండటం విశేషం.

జగదీప్ నారాయణ్ కుమార్ మాట్లాడుతూ, ఈ ప్రత్యేక పెన్నును సుమారు 34 సంవత్సరాల క్రితం కేవలం రూ.20కు కొనుగోలు చేసినట్లు తెలిపారు. అంతేకాకుండా, తన సేకరణలో రూ.3కు కొనుగోలు చేసిన మరో చిన్న పెన్ను కూడా ఉందని వెల్లడించారు. అరుదైన వస్తువుల సేకరణపై తనకున్న ఆసక్తే ఈ ఘనత సాధించడానికి కారణమని ఆయన పేర్కొన్నారు.