

ఆంధ్రప్రదేశ్లోని కర్నూలు జిల్లాలో ప్రధానమంత్రి నరేంద్ర మోదీ తల్లి దివంగత హీరాబెన్ మోదీకి ఆలయం, స్మారక మందిరం నిర్మిస్తున్నారు. జిల్లాలోని గుడికల్ గ్రామంలో మాతా శ్రీ మందిరం చారిటబుల్ సొసైటీ ఆధ్వర్యంలో ఈ ప్రాజెక్టును చేపట్టారు. నవంబర్ 15న నిర్వహించిన భూమిపూజ కార్యక్రమంలో BJP ఎమ్మెల్యే పీవీ పార్థసారథి శంకుస్థాపన చేశారు. హీరాబెన్ విగ్రహాన్ని పాలరాతితో ప్రత్యేకంగా తయారు చేయించగా.. దీని కోసం సుమారు రూ.3 లక్షలు ఖర్చు చేసినట్లు సమాచారం. త్వరలోనే ఈ విగ్రహాన్ని ఆలయ ప్రాంగణంలో ప్రతిష్ఠించనున్నారు.
ఈ ఆలయ సముదాయంలో హీరాబెన్ స్మారక మందిరంతో పాటు శివుడు, శ్రీరాముడు, వినాయకుడు, దక్షిణామూర్తి ఆలయాలను కూడా నిర్మించనున్నారు. అంతేకాకుండా గోశాల, అనాథాశ్రమం ఏర్పాటు చేయాలని నిర్వాహకులు ప్రణాళికలు సిద్ధం చేశారు. దాతలు, ప్రముఖుల విరాళాలతో ఈ నిర్మాణ పనులు చేపడుతున్నారు. రానున్న నెలల్లో విడతల వారీగా ప్రాజెక్టును పూర్తి చేయాలని లక్ష్యంగా పెట్టుకున్నారు. కాగా, హీరాబెన్ మోదీ 2022 డిసెంబర్ 30న 99 ఏళ్ల వయసులో కన్నుమూశారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!