పురాతన లైబ్రరీపై సుప్రీంకోర్టు విచారణ.. కేంద్రానికి నోటీసులు

న్యూఢిల్లీలోని 135 ఏళ్ల పురాతన సెంట్రల్ సెక్రటేరియట్ లైబ్రరీకి కొత్త సెంట్రల్ విస్టాలో స్థలం కేటాయింపు అంశంపై సుప్రీంకోర్టు విచారణ చేపట్టింది. లైబ్రరీకి స్థలం కేటాయింపుపై కేంద్ర ప్రభుత్వానికి నోటీసులు జారీ చేసింది. ఈ వ్యవహారంపై మూడు వారాల్లో అఫిడవిట్ దాఖలు చేయాలని కేంద్రాన్ని ఆదేశించింది.

కొత్త ప్రదేశంలో పుస్తకాలను నిల్వ చేయడానికి కేటాయించిన స్థలం సరిపోతుందా లేదా అనే విషయాన్ని అఫిడవిట్‌లో స్పష్టంగా వివరించాలని సుప్రీంకోర్టు సూచించింది. లైబ్రరీకి సంబంధించిన పుస్తకాలు, ఇతర వనరుల భద్రత, నిల్వ సామర్థ్యంపై కోర్టు దృష్టి సారించింది.