పోలవరంలో మలేరియా మాత్రల ఘటనపై సుప్రీంకోర్టు విచారణ

పోలవరం ఏజెన్సీ ప్రాంతంలో మలేరియా మాత్రలు వికటించిన ఘటనపై సుప్రీంకోర్టు విచారణ చేపట్టింది. ఈ ఘటనలో మలేరియా మాత్రలు వికటించడంతో చిన్నారి జమున మృతి చెందినట్లు సమాచారం. ఘటనపై జరుగుతున్న దర్యాప్తు ప్రక్రియను పర్యవేక్షించాలని ఆంధ్రప్రదేశ్ హైకోర్టును సుప్రీంకోర్టు ఆదేశించింది.

మలేరియా మాత్రల ప్రభావానికి సంబంధించిన ల్యాబ్ రిపోర్ట్ ఆధారంగా తదుపరి విచారణ కొనసాగుతుందని ఏపీ ప్రభుత్వం తరఫు న్యాయవాది సుప్రీంకోర్టుకు తెలిపారు. దర్యాప్తు పురోగతిని పర్యవేక్షించే బాధ్యతను ఏపీ హైకోర్టుకు అప్పగిస్తూ సుప్రీంకోర్టు ఆదేశాలు జారీ చేసింది.