తెలంగాణలో రేపు భారీ వర్షాలు.. పలు జిల్లాలకు రెడ్ అలర్ట్

తెలంగాణలో రానున్న రోజుల్లో వర్షాలు మరింత తీవ్రతరం కానున్న నేపథ్యంలో భారత వాతావరణ శాఖ కీలక హెచ్చరికలు జారీ చేసింది. సెప్టెంబర్ 23న రాష్ట్రంలోని పలు ప్రాంతాల్లో భారీ నుంచి అత్యంత భారీ వర్షాలు కురిసే అవకాశం ఉందని తెలిపింది. ఉరుములు, మెరుపులు, బలమైన ఈదురుగాలులతో కూడిన వాతావరణం కూడా కొన్ని ప్రాంతాల్లో ఏర్పడే అవకాశం ఉందని పేర్కొంది.

పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, మహబూబాబాద్, వరంగల్, హనుమకొండ జిల్లాల్లో భారీ వర్షాల ప్రభావం ఎక్కువగా ఉండే అవకాశం ఉంది. ఆయా జిల్లాల ప్రజలు అప్రమత్తంగా ఉండాలని, వాతావరణ శాఖ మరియు స్థానిక అధికారుల సూచనలను పాటించాలని అధికారులు సూచిస్తున్నారు.