లోన్ వసూళ్లపై ఆర్బీఐ సీరియస్

భారతీయ రిజర్వు బ్యాంక్ ఆర్థిక సంస్థల రుణ వసూళ్ల ఏజెంట్ల వేధింపులను అరికట్టేందుకు కొత్త మార్గదర్శకాల ముసాయిదాను విడుదల చేసింది. కస్టమర్లతో అనుచిత ప్రవర్తన, బెదిరింపులు, రాత్రి వేళ ఫోన్ల వంటి చర్యలకు అడ్డుకట్ట వేయడమే ఈ నిబంధనల ప్రధాన లక్ష్యం.

కొత్త ముసాయిదా ప్రకారం రుణ వసూళ్ల ఏజెంట్లకు తప్పనిసరి అర్హతలు ఉండాలి. ఉదయం 8 గంటల నుంచి సాయంత్రం 7 గంటల మధ్య మాత్రమే కాల్స్ చేయాలి. వసూళ్లకు ముందు కస్టమర్లకు సమాచారం ఇవ్వడం తప్పనిసరి. ఏజెంట్ల వేధింపులకు బ్యాంకులు, ఆర్థిక సంస్థలే బాధ్యత వహించాల్సి ఉంటుంది. అలాగే కస్టమర్ల సామాజిక మాధ్యమాల వివరాల లీక్‌పైనా నిషేధం విధించనున్నారు.