బీజేపీ, జేడీఎస్‌కు ఎదురుదెబ్బ..

కర్ణాటక ఎమ్మెల్సీ ఎన్నికల్లో బీజేపీ, జేడీఎస్‌కు భారీ ఎదురుదెబ్బ తగిలింది. కొంతమంది ఎమ్మెల్యేల క్రాస్ ఓటింగ్ కారణంగా అధికార కాంగ్రెస్ ఏడు స్థానాల్లో ఐదు స్థానాలు గెలుచుకుంది. దీంతో ప్రతిపక్ష కూటమిలో విభేదాలు బయటపడ్డాయి.

బీజేపీ ప్రకారం తమ ముగ్గురు ఎమ్మెల్యేలు, జేడీఎస్‌కు చెందిన ఎనిమిది మంది ఎమ్మెల్యేలు కాంగ్రెస్‌కు ఓటు వేశారు. అయితే జేడీఎస్ మాత్రం తమ నలుగురు ఎమ్మెల్యేలు, బీజేపీకి చెందిన ఏడుగురు ఎమ్మెల్యేలు క్రాస్ ఓటింగ్ చేశారని పేర్కొంది. ఈ ఘటన రాష్ట్ర రాజకీయాల్లో చర్చనీయాంశంగా మారింది.