

ఫిలిప్పీన్స్ రాజధాని మనీలాలో జరిగిన క్వాడ్ దేశాధినేతల సమావేశానికి ముందు ఆసక్తికర ఘటన చోటుచేసుకుంది. మంగళవారం (నవంబర్ 17, 2026) జరిగిన ఈ సమావేశానికి ముందు గ్రూప్ ఫొటో కోసం భారత ప్రధాని నరేంద్ర మోదీ, అమెరికా అధ్యక్షుడు డొనాల్డ్ ట్రంప్, ఆస్ట్రేలియా ప్రధాని ఆంథోనీ అల్బనీస్, జపాన్ ప్రధాని సనాయే తకైచీ వేదికపైకి చేరుకున్నారు. ఈ సందర్భంగా నాయకులు నిలబడాల్సిన స్థానాలను సూచించేందుకు నేలపై ఆయా దేశాల జాతీయ జెండాల బొమ్మలతో కూడిన చిన్న కార్డులను ఏర్పాటు చేశారు.
తనకు కేటాయించిన స్థానం వద్దకు చేరుకున్న మోదీ, నేలపై ఉన్న భారత త్రివర్ణ పతాక గుర్తును గమనించారు. వెంటనే కిందకు వంగి ఆ కార్డును తీసుకుని తన జేబులో పెట్టుకున్నారు. ఈ సందర్భంగా “జెండాను నేలపై వదిలేయలేను” అని మోదీ అన్నట్లు వీడియోలో వినిపించగా, పక్కనే ఉన్న ట్రంప్ “దాన్ని భద్రపరచండి” (Save it) అని స్పందించినట్లు వార్తా కథనాలు పేర్కొన్నాయి. ఈ చిన్న సంఘటన వీడియోలో రికార్డ్ కావడంతో సోషల్ మీడియాలో వైరల్గా మారింది. మోదీ చర్యపై నెటిజన్లు చర్చించుకుంటున్నారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!