భద్రాద్రి జిల్లాలో స్వల్ప భూప్రకంపనలు

భద్రాద్రి జిల్లాలోని పలు ప్రాంతాల్లో అర్ధరాత్రి స్వల్ప భూప్రకంపనలు నమోదయ్యాయి. రాత్రి 2 గంటల 26 నిమిషాలకు భూమి కంపించగా, రిక్టర్ స్కేలుపై తీవ్రత 3.8గా నమోదైంది. అకస్మాత్తుగా భూమి కంపించడంతో ప్రజలు భయాందోళనకు గురై ఇళ్ల నుంచి బయటకు వచ్చారు.

పాల్వంచ, బూర్గంపాడు, కొత్తగూడెం ప్రాంతాల్లో ఈ ప్రకంపనలు స్పష్టంగా అనుభూతి చెందారు. ప్రస్తుతం ఎలాంటి ప్రాణనష్టం లేదా ఆస్తి నష్టం జరిగినట్లు సమాచారం లేదు. అయితే భూప్రకంపనల కారణంగా స్థానిక ప్రజల్లో ఆందోళన నెలకొంది. పరిస్థితిని అధికారులు పర్యవేక్షిస్తూ వివరాలు సేకరిస్తున్నారు.