ఎన్నికల సంఘం తీరుపై ఆందోళన.. కేరళం అసెంబ్లీ కీలక తీర్మానం

కేరళం శాసనసభ సోమవారం ప్రధాన ఎన్నికల కమిషనర్ జ్ఞానేశ్ కుమార్‌ను పదవి నుంచి తొలగించాలని కోరుతూ తీర్మానాన్ని ఆమోదించింది. ఓటరు జాబితాల ప్రత్యేక సమగ్ర సవరణ ప్రక్రియ, అర్హులైన ఓటర్ల పేర్లు తొలగించబడుతున్నాయన్న ఆందోళనలు, ఎన్నికల సంఘం నిష్పాక్షికతపై సందేహాలను ఈ తీర్మానంలో ప్రస్తావించారు. దేశంలో ఈ తరహా తీర్మానాన్ని ఆమోదించిన తొలి శాసనసభగా కేరళం నిలిచినట్లు సమాచారం.

ముఖ్యమంత్రి వీడీ సతీశన్ ప్రవేశపెట్టిన ఈ తీర్మానంలో ఓటరు జాబితాల సవరణ ప్రక్రియలో జరిగినట్లు ఆరోపిస్తున్న అక్రమాలను పరిష్కరించాలని కోరారు. పొరపాటున ఓటరు జాబితా నుంచి తొలగించబడిన అర్హులైన ప్రతి ఒక్కరికీ తిరిగి ఓటు హక్కు కల్పించాలని పేర్కొన్నారు. ఓటర్ల జాబితా సవరణలో పారదర్శకత పాటించడం, అర్హులైన ఓటర్ల హక్కులను పరిరక్షించడం అవసరమని ఈ తీర్మానం స్పష్టం చేసింది.