కాణిపాకం వరసిద్ధి వినాయకుడి హుండీకి భారీ ఆదాయం

చిత్తూరు జిల్లా కాణిపాకం శ్రీ స్వయంభు వరసిద్ధి వినాయక స్వామివారి ఆలయ హుండీ ఆదాయం భారీగా నమోదైంది. 26 రోజులకుగాను నిర్వహించిన హుండీ లెక్కింపులో రూ.2,33,34,358 ఆదాయం సమకూరినట్లు ఆలయ ఈవో పెంచల కిషోర్ వెల్లడించారు. నగదుతో పాటు భక్తులు 41 గ్రాముల బంగారం, 1.105 కిలోల వెండిని స్వామివారికి కానుకగా సమర్పించారు.

గో సంరక్షణ హుండీ ద్వారా రూ.21,495, నిత్య అన్నదానం హుండీ ద్వారా రూ.1,59,461, భిక్షాండి హుండీ ద్వారా రూ.23,215 ఆదాయం వచ్చింది. విదేశీ కరెన్సీలో 206 అమెరికా డాలర్లు, 155 యూఏఈ దిర్హామ్స్, 20 ఆస్ట్రేలియా డాలర్లు, 25 కెనడా డాలర్లు, 45 ఇంగ్లండ్ పౌండ్లు, 52 మలేషియా రింగిట్స్, 110 యూరోలు లభించాయి. ఆలయ చైర్మన్ మణి నాయుడు, ట్రస్ట్ బోర్డు సభ్యులు, అధికారులు, సిబ్బంది, సేవకుల సమక్షంలో హుండీ లెక్కింపు నిర్వహించారు.