తిరుమలలో భారీ రద్దీ...దర్శనానికి 12 గంటల సమయం

తిరుమల వేంకటేశ్వరస్వామి దర్శనానికి ప్రస్తుతం సుమారు 12 గంటల సమయం పడుతోంది. నిన్న సాయంత్రం నాలుగు గంటల వరకు అందిన సమాచారం మేరకు వైకుంఠం క్యూకాంప్లెక్స్-2లోని 31 గదులు, నారాయణగిరిలోని తొమ్మిది షెడ్లు సర్వదర్శన భక్తులతో నిండిపోయాయి. క్యూలైన్ కృష్ణతేజ అతిథిగృహం మీదుగా శిలాతోరణం వలయం వరకు విస్తరించింది.

వైకుంఠం క్యూకాంప్లెక్స్-1లో ఆరు గదుల్లో సమయ నిర్దేశిత దర్శన భక్తులు వేచి ఉన్నారు. మంగళవారం హుండీ ఆదాయం రూ.4.05 కోట్లు నమోదు కాగా, బుధవారం 72,362 మంది భక్తులు శ్రీవారిని దర్శించుకున్నారు. అలాగే 29,166 మంది భక్తులు తలనీలాలు సమర్పించారు.