భారీ వర్షంతో గన్నవరం ఎయిర్‌పోర్టులో విమాన సర్వీసులకు అంతరాయం

మురసు తుఫాన్ ప్రభావంతో విజయవాడ సమీపంలోని గన్నవరం విమానాశ్రయంలో భారీ వర్షం కురిసింది. ప్రతికూల వాతావరణ పరిస్థితుల కారణంగా విమాన రాకపోకలకు అంతరాయం ఏర్పడింది. దీంతో పలు విమాన సర్వీసులను రద్దు చేసినట్లు సమాచారం. ఇండిగో సంస్థ బెంగళూరు, కడప మార్గాల్లో నడిచే విమాన సర్వీసులను రద్దు చేసింది.

అదేవిధంగా హైదరాబాద్‌కు వెళ్లే విమాన సర్వీసును ఫ్లై91 విమాన సంస్థ రద్దు చేసింది. వర్షం, తుఫాన్ ప్రభావంతో ప్రయాణికులు ఇబ్బందులు ఎదుర్కొంటున్నారు. విమాన ప్రయాణానికి సిద్ధమవుతున్న ప్రయాణికులు తమ విమానాల తాజా స్థితిని సంబంధిత విమాన సంస్థల ద్వారా తెలుసుకోవాలని సూచిస్తున్నారు.