వృద్ధురాలితో ఆత్మీయంగా సీఎం విజయ్‌.. ఫొటోకు పోజులిచ్చిన ముఖ్యమంత్రి

తమిళనాడు ముఖ్యమంత్రి విజయ్‌ మంగళవారం ఈరోడ్‌ జిల్లాలోని పెరందురైలో నిర్వహించిన సంక్షేమ కార్యక్రమంలో పాల్గొన్నారు. స్వయం సహాయక సంఘాల (ఎస్‌హెచ్‌జీ) బలోపేతం కోసం ఆయన ప్రభుత్వం రూ.1,110 కోట్ల విలువైన బ్యాంకు రుణాలను మంజూరు చేసింది. ఈ సందర్భంగా లబ్ధిదారులకు రుణ మంజూరు పత్రాలను సీఎం అందజేశారు. మహిళా సంఘాలకు ఆర్థికంగా చేయూతనివ్వడం, వాటి కార్యకలాపాలను మరింత బలోపేతం చేయడం ఈ కార్యక్రమం ప్రధాన ఉద్దేశం.

ఈ కార్యక్రమంలో సీఎం విజయ్‌, స్వయం సహాయక సంఘాల సభ్యుల మధ్య చోటుచేసుకున్న ఆత్మీయ క్షణాలు ప్రత్యేక ఆకర్షణగా నిలిచాయి. మహిళలతో కలిసి ఆయన ఫొటోలు దిగారు. ఓ వృద్ధురాలు విజయ్‌ భుజంపై చేయివేసి ఫొటోకు పోజివ్వగా.. మరికొందరు సభ్యులు తమ గుర్తింపు కార్డులపై ఆయన ఆటోగ్రాఫ్‌ తీసుకున్నారు. లబ్ధిదారులతో ముఖ్యమంత్రి ఆత్మీయంగా మెలిగిన తీరు కార్యక్రమంలో సందడి నెలకొల్పింది.