ఈగ కాదు.. యముడి మెరుపు తీగ! టెక్సాస్‌ను వణికిస్తున్న ప్రమాదకర ఈగ

టెక్సాస్‌లో ప్రమాదకరమైన మాంసాహారి ఈగ మళ్లీ కనిపించడం ఆందోళన కలిగిస్తోంది. ఈ ఈగ లార్వాలు సాధారణంగా నిర్జీవ కణజాలాన్ని కాకుండా జీవ కణజాలాన్ని, పచ్చి మాంసాన్ని తింటాయి. దీంతో పశువులతో పాటు మనుషులకూ తీవ్ర ఆరోగ్య ముప్పు ఏర్పడే అవకాశం ఉందని నిపుణులు హెచ్చరిస్తున్నారు. ఈ పరాన్నజీవుల దాడి వల్ల తీవ్రమైన గాయాలు, ఇన్ఫెక్షన్లు సంభవించే ప్రమాదం ఉంది.

దశాబ్దాల క్రితం నిర్మూలించబడిన ఈ ముప్పు మళ్లీ వెలుగులోకి రావడంతో అధికారులు అప్రమత్తమయ్యారు. పశుసంవర్ధక రంగానికి ఇది పెద్ద సవాలుగా మారే అవకాశం ఉందని భావిస్తున్నారు. వ్యాధి వ్యాప్తిని అరికట్టేందుకు పర్యవేక్షణ, నివారణ చర్యలను మరింత కట్టుదిట్టం చేస్తున్నారు.