

ఇరాన్ ప్రస్తుతం తీవ్ర ఆర్థిక సవాళ్లను ఎదుర్కొంటోందని ఆ దేశ అధ్యక్షుడు మసూద్ పెజెష్కియాన్ తెలిపారు. ప్రస్తుత పరిస్థితిని ఆయన ‘నిశ్శబ్ద ఆర్థిక యుద్ధం’గా అభివర్ణించారు. గ్యాస్ ఉత్పత్తి కేంద్రాలపై దాడులు, ఇంధన కొరత కారణంగా దేశం ఇబ్బందులు ఎదుర్కొంటోందని పేర్కొన్నారు. పరిశ్రమల కార్యకలాపాలకు ఆటంకం కలగకుండా విద్యుత్ కోతలు విధించాల్సి వస్తే ముందుగా ప్రభుత్వ కార్యాలయాల నుంచే ప్రారంభిస్తామని వెల్లడించారు. పరిశ్రమలకు విద్యుత్ సరఫరాలో అంతరాయం కలగకుండా చూడటమే ఈ నిర్ణయం వెనుక ఉద్దేశమని స్పష్టం చేశారు.
మరోవైపు, నష్టాల్లో కొనసాగుతున్న ప్రభుత్వ రంగ సంస్థల నిర్వహణ తీరుపై పెజెష్కియాన్ విమర్శలు గుప్పించారు. వాటి పనితీరు, ఆర్థిక పరిస్థితిపై అసంతృప్తి వ్యక్తం చేశారు. ఇదే సమయంలో అమెరికా ఇరాన్పై ఆర్థిక ఒత్తిడిని కొనసాగిస్తూ, ఆ దేశ చమురు ఎగుమతులను అడ్డుకుంటోంది. ఇంధన రంగంపై ఒత్తిడి, దేశీయ ఉత్పత్తిలో సమస్యలు, ఇంధన కొరత కలిసి ఇరాన్ ఆర్థిక పరిస్థితిని మరింత క్లిష్టంగా మారుస్తున్నాయి. క్షిపణి దాడులను ఎదుర్కోవడం కంటే ఆర్థిక యుద్ధాన్ని ఎదుర్కోవడమే కష్టమని పెజెష్కియాన్ వ్యాఖ్యానించారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!