ఎస్‌ఐఆర్‌పై ఈసీఐ కీలక భేటీ

కేంద్ర ఎన్నికల సంఘం కీలక సమావేశం నిర్వహించింది. కేంద్ర ఎన్నికల ప్రధాన కమిషనర్ జ్ఞానేష్ కుమార్‌తో పాటు ఎన్నికల కమిషనర్లు సుఖ్‌బీర్ సింగ్ సంధు, వివేక్ జోషి ఈ సమావేశానికి హాజరయ్యారు. జ్ఞానేష్ కుమార్‌పై ఆరోపణలు, దేశవ్యాప్తంగా కొనసాగుతున్న ప్రత్యేక సమగ్ర ఓటర్ల జాబితా సవరణ ప్రక్రియ, ఎస్‌ఐఆర్‌కు సంబంధించిన అంశాలపై సమావేశంలో చర్చించినట్లు సమాచారం.

ఎస్‌ఐఆర్‌లో నోటీసులు అందుకున్న వారు సాధారణంగా వ్యక్తిగత విచారణకు హాజరు కావాల్సిన అవసరం లేదని ఈసీఐ స్పష్టం చేసింది. అత్యవసర లేదా ప్రత్యేక సందర్భాల్లో మాత్రమే వ్యక్తిగత విచారణ అవసరం ఉంటుందని తెలిపింది. సంబంధిత ఓటర్ల ఇళ్లకు బూత్ లెవల్ అధికారులు వెళ్లి ప్రక్రియను పూర్తి చేయడంతో పాటు అవసరమైన పత్రాలను అప్‌లోడ్ చేయనున్నారు. ఢిల్లీలో ఎస్‌ఐఆర్‌పై అభ్యంతరాల నమోదుకు గడువును నవంబర్ 30 వరకు పొడిగించినట్లు ఈసీఐ వెల్లడించింది.