ఢిల్లీ సహా పరిసర ప్రాంతాల్లో భూప్రకంపనలు.. చమోలీలో భూకంపం

దేశ రాజధాని ఢిల్లీ సహా పరిసర ప్రాంతాల్లో మంగళవారం రాత్రి భూప్రకంపనలు కలకలం రేపాయి. రాత్రి సుమారు 10:20 గంటల సమయంలో ఉత్తరాఖండ్‌లోని చమోలీ ప్రాంతంలో భూకంపం సంభవించినట్లు సమాచారం. రిక్టర్ స్కేలుపై భూకంప తీవ్రత 4.9గా నమోదైనట్లు తెలుస్తోంది. ఈ ప్రకంపనలు ఢిల్లీ-ఎన్‌సీఆర్ ప్రాంతంలోని పలు చోట్ల కూడా కనిపించినట్లు స్థానికులు తెలిపారు.

ఒక్కసారిగా భూమి కంపించడంతో ఢిల్లీ, పరిసర ప్రాంతాల ప్రజలు ఆందోళనకు గురయ్యారు. కొన్ని ప్రాంతాల్లో ఇళ్లలోని వస్తువులు కదిలినట్లు స్థానికులు పేర్కొన్నారు. అయితే ఈ ఘటనకు సంబంధించి ప్రాణనష్టం లేదా భారీ ఆస్తి నష్టం జరిగినట్లు ప్రాథమికంగా ఎలాంటి సమాచారం అందుబాటులో లేదు.