బలూచిస్థాన్‌లో ఘోర ఆత్మాహుతి దాడి.. 30 మంది మృతి!

బలూచిస్థాన్‌లోని గ్వాదర్ జిల్లాలో ఉన్న పాకిస్థాన్ కోస్ట్ గార్డ్ శిబిరంపై ఘోర ఆత్మాహుతి దాడి జరిగినట్లు సమాచారం. ఈ దాడికి బలూచ్ లిబరేషన్ ఆర్మీ (బీఎల్‌ఏ) బాధ్యత వహిస్తున్నట్లు ప్రకటించింది. పేలుడు పదార్థాలతో నిండిన వాహనాన్ని జీవానీలోని పన్వన్ కోస్ట్ గార్డ్ స్థావరంపై ఢీకొట్టినట్లు బీఎల్‌ఏ వెల్లడించింది. ఈ ఘటనతో భద్రతా దళాలకు భారీ నష్టం జరిగినట్లు పేర్కొంది.

బీఎల్‌ఏ ప్రకారం ఈ దాడిలో 30 మంది పారామిలిటరీ సిబ్బంది మరణించగా, పలువురు గాయపడ్డారు. అయితే ఈ వివరాలపై అధికారిక ధృవీకరణ కోసం సంబంధిత అధికారులు విచారణ చేపట్టే అవకాశం ఉంది. బలూచిస్థాన్ ప్రాంతంలో కొనసాగుతున్న భద్రతా సవాళ్లను ఈ ఘటన మరోసారి వెలుగులోకి తీసుకొచ్చింది.