భారత తొలి బుల్లెట్ ట్రైన్‌కు డేట్ ఫిక్స్

భారతదేశంలో తొలి బుల్లెట్ ట్రైన్‌ను 2027 ఆగస్టు 15న ప్రారంభించనున్నట్లు కేంద్ర రైల్వే మంత్రి అశ్విని వైష్ణవ్ ప్రకటించారు. స్వాతంత్ర్య దినోత్సవం సందర్భంగా ప్రధాని నరేంద్ర మోదీ ఈ హైస్పీడ్ రైలును ప్రారంభించనున్నారని తెలిపారు. మొదటి దశలో సూరత్ – బిలిమోరా మధ్య బుల్లెట్ ట్రైన్‌ను నడపనున్నట్లు వెల్లడించారు.

ఆ తర్వాత దశలవారీగా వాపీ–సూరత్, వాపీ–అహ్మదాబాద్, థానే–అహ్మదాబాద్ మార్గాల్లో బుల్లెట్ ట్రైన్లు ప్రారంభిస్తామని చెప్పారు. చివరికి పూర్తి స్థాయిలో ముంబై–అహ్మదాబాద్ మధ్య బుల్లెట్ ట్రైన్ సేవలను అందుబాటులోకి తీసుకొస్తామని, ఇందుకోసం ప్రత్యేక హైస్పీడ్ కారిడార్ నిర్మాణం జరుగుతోందని రైల్వే మంత్రి వివరించారు.