

నాగర్కర్నూల్ జిల్లా అచ్చంపేటలో డోర్ లేని ట్రాక్టర్ ట్రాలీలో భారీ గ్రానైట్ రాళ్లను తరలించడం కలకలం రేపింది. ఇరుకైన వీధిలో వెనుక భాగంలో ఎలాంటి రక్షణ ఏర్పాటు లేకుండా రాళ్ల లోడ్తో ట్రాక్టర్ ప్రయాణించడాన్ని చూసి స్థానికులు, వాహనదారులు ఆందోళనకు గురయ్యారు. ట్రాలీకి వెనుక డోర్ లేకపోవడంతో భారీ రాళ్లు ఎప్పుడు కింద పడతాయో తెలియని పరిస్థితి నెలకొంది. ముఖ్యంగా వెనుక నుంచి వచ్చే ద్విచక్ర వాహనదారులు, పాదచారులకు ప్రమాదం పొంచి ఉందని స్థానికులు ఆందోళన వ్యక్తం చేస్తున్నారు.
గ్రామంలోని ప్రధాన రహదారిపై సరైన భద్రతా చర్యలు లేకుండా రాళ్లను తరలిస్తున్నా పోలీసులు, మైనింగ్, రవాణా శాఖ అధికారులు పట్టించుకోవడం లేదని స్థానికులు ఆరోపిస్తున్నారు. రాళ్లు రోడ్డుపై పడితే భారీ ప్రమాదం జరిగే అవకాశం ఉందని పేర్కొంటున్నారు. ఇలాంటి వాహనాలపై అధికారులు వెంటనే తనిఖీలు నిర్వహించి, నిబంధనలు ఉల్లంఘించిన వారిపై కఠిన చర్యలు తీసుకోవాలని ప్రజలు డిమాండ్ చేస్తున్నారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!