CJP వ్యవస్థాపకుడు అభిజిత్ దీప్కే సంచలన వ్యాఖ్యలు

సోషల్ మీడియాలో చర్చనీయాంశంగా మారిన “కాక్రోచ్ జనతా పార్టీ” వ్యవస్థాపకుడు అభిజిత్ దీప్కే తన పార్టీ అజెండా, ప్రజాదరణ మరియు అరెస్ట్ భయాలపై సంచలన వ్యాఖ్యలు చేశారు. ది రెడ్ మైక్‌కు ఇచ్చిన ఇంటర్వ్యూలో ఆయన ఢిల్లీకి దిగగానే తనను నేరుగా తీహార్ జైలుకు తీసుకెళ్లే అవకాశం ఉందని అనిపిస్తోందని పేర్కొన్నారు.

నిరుద్యోగ యువతపై సమాజ దృష్టి గురించి మాట్లాడుతూ, నిరుద్యోగులను తక్కువగా చూస్తారని ఆయన వ్యాఖ్యానించారు. సోషల్ మీడియాలో పార్టీకి పెరుగుతున్న ఫాలోయింగ్‌పై స్పందిస్తూ, ఫాలోవర్ల సంఖ్య సమస్యలను పరిష్కరించదని చెప్పారు. అలాగే పార్టీ సోషల్ మీడియా ఖాతాలపై నిషేధం విధించవచ్చని ముందుగానే ఊహించినట్లు తెలిపారు.

కాక్రోచ్ జనతా పార్టీ నిరుద్యోగులు మరియు సోషల్ మీడియా వినియోగదారుల కోసం రూపొందిన డిజిటల్ రాజకీయ వ్యంగ్య ఉద్యమంగా గుర్తింపు పొందింది. అధికారికంగా నమోదు కాకపోయినా, గూగుల్ ఫారమ్ ద్వారా సుమారు 3.5 లక్షల మంది సభ్యత్వం తీసుకోవడం విశేషం. జెన్ - జి యువతలో ఈ ఉద్యమం వేగంగా ప్రాచుర్యం పొందుతోంది.