జైలులో ఇమ్రాన్‌ ఖాన్‌కు బిగ్‌ రిలీఫ్‌..

పాకిస్థాన్‌ మాజీ ప్రధాని ఇమ్రాన్‌ ఖాన్‌ను ఆయన సతీమణి బుష్రా బీబీ, సోదరి నొరీన్‌ బుధవారం ఆడియాలా జైలులో కలిశారు. కుటుంబ సభ్యులను వారానికి ఒకసారి కలిసేందుకు అవకాశం కల్పించాలని సుప్రీంకోర్టు ఆదేశించిన నేపథ్యంలో దాదాపు తొమ్మిది నెలల తర్వాత ఈ భేటీ జరిగింది. మరోవైపు, ఇమ్రాన్‌ను ఆస్పత్రికి తరలించేందుకు అవసరమైన చట్టపరమైన చర్యలు కొనసాగుతున్నాయి.

తోషాఖానా, అల్‌-ఖాదిర్‌ ట్రస్ట్‌ తదితర కేసుల్లో శిక్ష పడిన ఇమ్రాన్‌ కొంతకాలంగా జైలులోనే ఉన్నారు. ఒంటరితనం, కుటుంబ సభ్యులతో భేటీకి పరిమితులు, ఆరోగ్య పరిస్థితిపై వచ్చిన వార్తల నేపథ్యంలో ఆయనపై ఆందోళన వ్యక్తమవుతోంది. ఈ క్రమంలో ఇమ్రాన్‌ను వెంటనే ఆస్పత్రికి తరలించేందుకు అవసరమైన చర్యలు తీసుకోవాలని పాక్‌ సుప్రీంకోర్టు అధికారులను ఆదేశించింది.