
రాజకీయాలు

ఎంతో ఆసక్తిగా ఎదురుచూస్తున్న వీడియో గేమ్ ‘గ్రాండ్ తెఫ్ట్ ఆటో 6’ (GTA 6)లో 1982 నాటి భారతీయ పాటకు చోటు దక్కినట్లు వార్తలు వస్తున్నాయి. ప్రముఖ గాయని రూపా బిశ్వాస్ పాడిన బెంగాలీ డిస్కో పాట ‘ఆజ్ శనివార్’ ఇప్పుడు అంతర్జాతీయంగా అందరి దృష్టిని ఆకర్షిస్తోంది. 1982లో విడుదలైన సమయంలో ఈ పాటకు ఆశించిన స్థాయిలో ఆదరణ లభించలేదు. అయితే, GTA 6లోని వరల్డ్వైడ్ ఎఫ్ఎం రేడియో ద్వారా ఈ పాటకు మళ్లీ గుర్తింపు లభిస్తోంది.
GTA 6 ద్వారా ఈ పాటను గుర్తించిన అభిమానులు సోషల్ మీడియాలో ప్రశంసలు కురిపిస్తున్నారు. దీంతో యూట్యూబ్లో ఈ పాటకు వ్యూస్తో పాటు కామెంట్లు కూడా భారీగా పెరుగుతున్నట్లు సమాచారం. విడుదలై 44 ఏళ్లు గడిచిన తర్వాత ఈ బెంగాలీ డిస్కో పాట మరోసారి వెలుగులోకి రావడం విశేషం. గేమ్ ద్వారా ప్రపంచవ్యాప్తంగా కొత్త తరం సంగీత ప్రియులకు ఈ పాట పరిచయమవుతోంది.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!