కిమ్స్ హాస్పిటల్ విస్తరణ, నిధుల సేకరణ కు బోర్డ్ గ్రీన్ సిగ్నల్

హెల్త్‌కేర్ సేవలను అందిస్తున్న కృష్ణా ఇన్‌స్టిట్యూట్ ఆఫ్ మెడికల్ సైన్సెస్ (కిమ్స్) రూ.1,500 కోట్ల నిధుల సమీకరణకు డైరెక్టర్ల బోర్డు ఆమోదం తెలిపింది. ఈ నిధులను సమీకరించేందుకు ఈక్విటీ షేర్ల జారీ, క్యూఐపీ (Qualified Institutional Placement) ప్లేస్‌మెంట్ లేదా ఇతర మార్గాలను ఉపయోగించే ప్రతిపాదనను బోర్డు పరిశీలించి ఆమోదించినట్లు కంపెనీ రెగ్యులేటరీ సంస్థలకు పంపిన సమాచారంలో పేర్కొంది.

అయితే ఈ నిర్ణయం వాటాదారుల ఆమోదం మరియు సంబంధిత నియంత్రణ సంస్థల అనుమతులకు లోబడి ఉంటుందని కంపెనీ వెల్లడించింది. నిధుల సమీకరణకు సంబంధించిన ఇష్యూ ధరను తరువాత ప్రకటిస్తామని కూడా సంస్థ తెలిపింది.