దశాబ్దం తర్వాత ఇన్‌స్టాగ్రామ్‌ లోగోకు కొత్త లుక్

సోషల్‌ మీడియా ప్లాట్‌ఫామ్‌ ఇన్‌స్టాగ్రామ్‌ దాదాపు పదేళ్ల తర్వాత తన వర్డ్‌మార్క్‌ లోగోను రీఫ్రెష్‌ చేసింది. మెటా ఇన్‌స్టాగ్రామ్‌ హెడ్‌ ఆదమ్‌ మోస్సేరి ఈ విషయాన్ని ఇన్‌స్టాగ్రామ్‌, థ్రెడ్స్‌ వేదికగా వెల్లడించారు. ఇన్‌స్టాగ్రామ్‌ పేరులోని అక్షరాల టైపోగ్రఫీని పునఃరూపకల్పన చేసి, మరింత స్పష్టంగా, ఆధునికంగా తీర్చిదిద్దారు. అయితే సంస్థకు సుపరిచితమైన గ్రాడియంట్‌ కెమెరా ఐకాన్‌లో మాత్రం ఎలాంటి మార్పు చేయలేదు.

కొత్త డిజైన్‌పై నెటిజన్ల ఫన్నీ కామెంట్లు

గత పదేళ్లుగా వర్డ్‌మార్క్‌లో మార్పు చేయలేదని, ఇన్‌స్టాగ్రామ్‌ అసలు గుర్తింపును కొనసాగిస్తూనే కొత్త డిజైన్‌ను మరింత క్లీన్‌గా, మోడరన్‌గా రూపొందించామని మోస్సేరి తెలిపారు. కొత్త డిజైన్‌పై నెటిజన్ల నుంచి భిన్నమైన స్పందనలు వస్తున్నాయి. కొందరు ఆధునికంగా ఉందని ప్రశంసిస్తుండగా, మరికొందరు ఇది ఏఐతో రూపొందించినట్లుగా ఉందని కామెంట్ చేస్తున్నారు. ముఖ్యంగా ‘r’ అక్షరం ‘z’లా కనిపిస్తోందని, ఇన్‌స్టాగ్రామ్‌ కాస్త ‘Instagzam’లా మారిందంటూ కొందరు సరదాగా కామెంట్లు చేస్తున్నారు.