భారత్ – ఈయూ వాణిజ్య ఒప్పందం

భారత్ – యూరోపియన్ యూనియన్ మధ్య కీలక వాణిజ్య చర్చలు ఈరోజు (మంగళవారం) జరగనున్నాయి. ఈ చర్చల్లో భాగంగా కార్ల దిగుమతులపై ఉన్న టారిఫ్‌లను భారత్ 40 శాతానికి తగ్గించేందుకు సిద్ధంగా ఉందని సమాచారం. ఇది ఆటోమొబైల్ రంగానికి పెద్ద ప్రోత్సాహం అవుతుందని నిపుణులు చెబుతున్నారు.

ఈ నిర్ణయం వల్ల €15,000 కు పైగా ధర ఉన్న యూరోపియన్ కార్ల ధరలు భారత్‌లో తగ్గే అవకాశం ఉంది. దీంతో వినియోగదారులకు మంచి లాభం కలగనుందని అంచనా. యూరోప్ నుంచి వచ్చే ప్రీమియం కార్లు మరింత అందుబాటులోకి రావచ్చని అంటున్నారు.

ఇక ఈ ఒప్పందం భారత్ – ఈయూ ఆర్థిక సంబంధాలను మరింత బలోపేతం చేస్తుందని అధికారులు చెబుతున్నారు. వాణిజ్యం, పెట్టుబడులు పెరిగే ఛాన్స్ ఉందని అభిప్రాయం వ్యక్తం చేస్తున్నారు. ఆటో రంగంలో పోటీ పెరిగి, మార్కెట్ మరింత విస్తరించనుందని అంచనా వేస్తున్నారు.