గోల్డ్ రేట్లు డౌన్...వెండి ధర ఎంత ఉందో తెలుసా?

ఈ రోజు బంగారం ధరలు భారీగా తగ్గి కొనుగోలుదారులకు ఊరటనిచ్చాయి. గుడ్ రిటర్న్స్ వెబ్‌సైట్ ప్రకారం, 10 గ్రాముల 24 క్యారెట్ల బంగారం ధర రూ.760, 22 క్యారెట్ల బంగారం రూ.700, 18 క్యారెట్ల బంగారం రూ.570 మేర తగ్గింది. ఉదయం 10 గంటల ప్రాంతంలో హైదరాబాద్‌లో 24 క్యారెట్ల బంగారం రూ.1,42,530, 22 క్యారెట్ల బంగారం రూ.1,30,650, 18 క్యారెట్ల బంగారం రూ.1,06,900 వద్ద ట్రేడవుతోంది.

తెలంగాణలోని వరంగల్, ఖమ్మం, నిజామాబాద్ నగరాలతో పాటు ఆంధ్రప్రదేశ్‌లోని విజయవాడ, విశాఖపట్నం, కాకినాడ, కడప నగరాల్లో కూడా ఇదే ధరలు కొనసాగుతున్నాయి. దేశంలోని ప్రధాన నగరాల్లో చెన్నైలో 24 క్యారెట్ల బంగారం ధర రూ.1,42,910తో అత్యధికంగా ఉండగా, ఢిల్లీలో రూ.1,42,680గా నమోదైంది.

మరోవైపు వెండి ధరలు స్థిరంగా కొనసాగుతున్నాయి. ఉదయం 10 గంటల ప్రాంతంలో హైదరాబాద్ బులియన్ మార్కెట్‌లో 100 గ్రాముల వెండి ధర రూ.23,000, కిలో వెండి ధర రూ.2,30,000గా నమోదైంది. అంతర్జాతీయ మార్కెట్ పరిస్థితుల నేపథ్యంలో బంగారం, వెండి ధరల్లో మార్పులు చోటుచేసుకుంటున్నాయని మార్కెట్ వర్గాలు చెబుతున్నాయి.

గమనిక: బంగారు ధరలు తరచుగా మారుతుంటాయి. కాబట్టి,  ఆభరణాలు కొనుగోలు చేసే ముందు తాజా ధరలను మరోసారి సరిచూసుకోవడం మంచిది.