హైదరాబాద్ స్టార్టప్ సరికొత్త విమానం ఆవిష్కరణ

హైదరాబాద్‌కు చెందిన లోతైన సాంకేతిక రంగ సంస్థ బ్లూజే ఏరోస్పేస్‌ కొత్త తరహా సరుకు రవాణా విమానాన్ని ఆవిష్కరించింది. ‘జెన్‌ 2’ పేరుతో రూపొందించిన ఈ నమూనా విమానం పట్టణ, గ్రామీణ ప్రాంతాల్లో 10 కిలోమీటర్ల దూరం వరకు వస్తువులను తరలించడానికి ఉపయోగపడుతుందని సంస్థ వెల్లడించింది.

విద్యుత్‌ శక్తితో పనిచేసే ఈ విమానం 200 కిలోల బరువైన సరుకుతో నిలువుగా ఎగిరి, అదే విధంగా భూమిపై దిగగలదని కంపెనీ తెలిపింది. సంస్థ అభివృద్ధి చేసిన వాంటిస్‌ వేదికపై రూపొందించిన తొలి విమానం ఇదేనని పేర్కొంది. ఈ విమాన అభివృద్ధికి నాలుగేళ్లపాటు పరిశోధనలు, పరీక్షలు నిర్వహించినట్లు వెల్లడించింది.

2027 నాటికి ఈ విమానాన్ని వాణిజ్యపరంగా అందుబాటులోకి తీసుకురానున్నట్లు బ్లూజే ఏరోస్పేస్‌ తెలిపింది. ఇప్పటికే 500 కిలోల సామర్థ్యంతో మరో విమానాన్ని అభివృద్ధి చేసిన సంస్థ, ప్రభుత్వ రంగ సంస్థలు మరియు రక్షణ రంగ సంస్థల్లో పైలట్‌ ప్రాతిపదికన విజయవంతంగా వినియోగించినట్లు వెల్లడించింది.