అమెరికా-ఇరాన్ ఉద్రిక్తతల ప్రభావం.. స్టాక్ మార్కెట్ల భారీ పతనం

అమెరికా-ఇరాన్ మధ్య మళ్లీ ఉద్రిక్తతలు పెరగడంతో దేశీయ స్టాక్ మార్కెట్లు బుధవారం భారీ పతనాన్ని చవిచూశాయి. సెన్సెక్స్ 1,677.12 పాయింట్లు కోల్పోయి 76,503.60 వద్ద ముగియగా, నిఫ్టీ 516.65 పాయింట్లు పడిపోయి 23,882.05 వద్ద స్థిరపడింది. ఇరాన్‌పై అమెరికా ఆంక్షలు, పెరుగుతున్న యుద్ధ ఆందోళనలతో బ్రెంట్ ముడి చమురు ధర బ్యారెల్‌కు 78 డాలర్లకు చేరింది. దీంతో రూపాయి డాలరుతో పోలిస్తే 52 పైసలు బలహీనపడింది. విదేశీ సంస్థాగత మదుపర్లు (FIIలు) రూ.1,962.80 కోట్లు, దేశీయ సంస్థాగత మదుపర్లు (DIIలు) రూ.790.16 కోట్లు విలువైన షేర్లను కొనుగోలు చేశారు.

మార్కెట్‌లోని అన్ని ప్రధాన రంగాలు నష్టాల్లో ముగిశాయి. విమానయాన, చమురు మార్కెటింగ్, బ్యాంకింగ్, ఎఫ్‌ఎంసీజీ, పెయింట్స్ రంగాలకు చెందిన షేర్లు భారీగా పడిపోయాయి. బీఎస్‌ఈలో నమోదైన కంపెనీల మార్కెట్ విలువ దాదాపు రూ.8.96 లక్షల కోట్లు తగ్గింది. మరోవైపు ప్యాకేజింగ్ సంస్థ నాక్ ప్యాకేజింగ్ లిమిటెడ్ షేరు స్టాక్ మార్కెట్‌లో ప్రీమియంతో లిస్టింగ్ అయి ప్రారంభ లాభాలను నమోదు చేసింది. ఇదే సమయంలో బలపడిన అమెరికా డాలర్, పెరిగిన బాండ్ యీల్డ్స్ ప్రభావంతో బంగారం, వెండి ధరలు కూడా గణనీయంగా తగ్గాయి.