టికెట్ తనిఖీలపై ఇండియన్ రైల్వే కీలక సూచనలు

రైలు టికెట్ల తనిఖీలకు సంబంధించి ఇండియన్ రైల్వే ప్రయాణికులకు కీలక సూచనలు జారీ చేసింది. ప్రయాణ సమయంలో ఐఆర్‌సీటీసీ యాప్‌లోని అసలు ఈ-టికెట్, అధికారిక బుకింగ్ నిర్ధారణ సందేశం లేదా ప్రింటెడ్ టికెట్‌తో పాటు ప్రభుత్వ గుర్తింపు కార్డును తప్పనిసరిగా వెంట ఉంచుకోవాలని సూచించింది. దీంతో టికెట్ తనిఖీ ప్రక్రియ సులభంగా పూర్తవుతుందని తెలిపింది.

టికెట్లలో మార్పులు, నకిలీ టికెట్లు, దుర్వినియోగాన్ని అరికట్టేందుకు ఈ సూచనలు జారీ చేసినట్లు రైల్వే అధికారులు పేర్కొన్నారు. టికెట్ తనిఖీ సమయంలో ధ్రువీకరించలేని లేదా మార్పులు చేసిన టికెట్ కాపీలపై ఆధారపడకుండా, చెల్లుబాటు అయ్యే ప్రయాణ పత్రాలను చూపించాలని ప్రయాణికులకు సూచించారు.