ఐదు రోజుల్లో రూ.5,000 పడిపోయిన బంగారం ధర... అసలు కారణం ఏమిటి?

బులియన్ మార్కెట్‌లో బంగారం, వెండి ధరలు వరుసగా తగ్గుతూ వస్తున్నాయి. కేవలం ఐదు రోజుల్లోనే 10 గ్రాముల పసిడి ధర దాదాపు రూ.5,000 మేర పడిపోగా, వెండికి కిలోకు రూ.15,000 వరకు తగ్గుదల కనిపించింది. వచ్చే నెలలో అమెరికా ఫెడరల్ రిజర్వ్ వడ్డీ రేట్లను తగ్గించే అవకాశం లేదన్న అంచనాలు మార్కెట్‌ను ప్రభావితం చేశాయని నిపుణులు చెబుతున్నారు. ఈ పరిస్థితుల్లో గోల్డ్ కొనుగోలుపై ప్రజలు వెనక్కి తగ్గడంతో డిమాండ్ తగ్గింది.

అదే సమయంలో, అమెరికా డాలర్ బలపడటం కూడా బంగారం ధరల పై ఒత్తిడిని పెంచిన మరో ముఖ్య కారణంగా మార్కెట్ విశ్లేషకులు పేర్కొంటున్నారు. ఫెడరల్ రిజర్వ్ వడ్డీ రేట్ల మార్పులు గోల్డ్ ధరలను నేరుగా ప్రభావితం చేస్తాయనేది తెలిసిందే.