ఓటీటీలో తమన్నా సినిమాకు ఊహించని ట్విస్ట్

తమన్నా భాటియా నటించిన తాజా హిందీ చిత్రం ది వ్వాన్: ఫోర్స్ ఆఫ్ ది ఫారెస్ట్ ఎట్టకేలకు అమెజాన్ ప్రైమ్ వీడియోలోకి వచ్చేసింది. థియేటర్లలో ఆరు వారాల ప్రదర్శన పూర్తి చేసుకున్న ఈ సినిమా ఇప్పుడు ఓటీటీలో అందుబాటులోకి వచ్చింది. అయితే, ఈ ఓటీటీ విడుదలలో ఓ ట్విస్ట్ ఉంది. సినిమాను ఆన్‌లైన్‌లో చూడాలంటే ప్రేక్షకులు రూ.349 చెల్లించి రెంట్‌కు తీసుకోవాల్సి ఉంటుంది. థియేటర్లలో విజయవంతమైనప్పటికీ, ఆ మొత్తాన్ని చెల్లించి ఆన్‌లైన్‌లో చూస్తారా లేదా మరికొన్ని రోజులు వేచి ఉండి అదనపు చెల్లింపు లేకుండా చూసేందుకు ఇష్టపడతారా అనేది ఆసక్తికరంగా మారింది.

ఫోక్‌లోర్ థ్రిల్లర్‌గా తెరకెక్కిన ఈ చిత్రంలో సిద్ధార్థ్ మల్హోత్రా ప్రధాన పాత్రలో నటించారు. దీపక్ కుమార్ మిశ్రా ఈ సినిమాకు దర్శకత్వం వహించారు. శ్వేతా తివారీ, సునీల్ గ్రోవర్, మనీష్ పాల్, అనూప్ సోనీ కీలక పాత్రల్లో కనిపించారు. ఏక్తా కపూర్, శోభా కపూర్ ఈ హిందీ చిత్రాన్ని నిర్మించారు. ఓటీటీలోనూ రెంట్ ధరతో ప్రేక్షకుల దృష్టిని ఆకర్షిస్తున్న ఈ సినిమాకు ఎలాంటి స్పందన వస్తుందో చూడాలి.