లాభాల బాటలో దేశీయ మార్కెట్లు

దేశీయ షేర్ మార్కెట్లు ఈరోజు లాభాలతో ముగిశాయి. పెట్టుబడిదారుల కొనుగోళ్లతో ప్రధాన సూచీలు రోజంతా ఉత్సాహంగా కొనసాగాయి. ముంబై షేర్ మార్కెట్ సూచీ సెన్సెక్స్ 789 పాయింట్లు పెరిగి 75,398 వద్ద ముగిసింది. జాతీయ స్టాక్ మార్కెట్ సూచీ నిఫ్టీ 277 పాయింట్లు లాభపడి 23,689 స్థాయికి చేరుకుంది.

బ్యాంకింగ్, సమాచార సాంకేతికత, ఆర్థిక రంగ షేర్లలో కొనుగోళ్లు పెరగడంతో మార్కెట్లకు మద్దతు లభించింది. అంతర్జాతీయ మార్కెట్లలో సానుకూల సంకేతాలు, విదేశీ పెట్టుబడుల ప్రవాహం కూడా మార్కెట్ ర్యాలీకి దోహదపడ్డాయి. దీంతో పెట్టుబడిదారుల్లో ఉత్సాహం కనిపించింది.